පරිගණක ක්‍රීඩා ලොව

ඇසැසින්ස් ක්‍රීඩ්(ASSASSINS CREED)පරිගණක ක්‍රීඩාව.

එකොළොස්වන දොළොස්වන සියවස් වලදී මුස්ලිම්වරුන් සහ කිතුනුවන් තම තමන්ගේ ශුද්ධ වූ දේශයක් ගොඩනංවා ගැනීමේ අරමුණින් දරුණු ගැටුමකට අවතීර්ණ වී සිටියහ. මෙම ගැටුම් බොහෝමයක් සිදුවුයේ ජෙරුසෙලම හා ඒ අවට නගරවලය එම ගැටුම්වල ප්‍රතිඵලයක් ලෙස මුස්ලිම්වරුන් විසින් කිතුනු ආගමික නායකයින් සහ ඔවුන්ගේ අනුගාමිකයන් ඝාතනය කිරිම සදහා විවිධ රහස් ඝාතක කන්ඩායම් නිර්මානය කරගත් අතර එවැනි කල්ලියක සිටි ඇල්ටෙයා නම් සටන්කරුවෙකුගේ ජිවිත කතාව පාදක කොට නිර්මාණය වු පරිගණක ක්‍රීඩාවක් ලෙස "ඇසැසින්ස් ක්‍රීඩ්(Assassin's creed)" පරිගණක ක්‍රීඩාව හැදින්විය හැක.

විසිඑක්වන සියවසේ ජීවත් වන සාමාන්‍ය පුද්ගලයෙකු වන ඩෙස්මන් මයිල්ස්,සියවස් දහයකට පෙර බිහි වී තිබූ රහස් කල්ලියක සිටි ඇල්ටෙයා නම් සාමාජිකයාගෙන් පැවතෙන පරපුරේ අවසාන පුරුකය.මේ බව දැනන්නා විද්‍යඥයින් පිරිසක් ඩෙස්මන්ව පැහැරගෙන ගොස් ඔහුගේ ජාන හරහා, ඔහුව තමන්ගේ මුතුන් මිත්තෙකු වන ඇල්ටෙයා චරිතයට ආරෑඪ කිරිමට උත්සහ දරයි.විශේෂ පරීක්ෂණ කිහිපයකින් පසු ඔවුන්ගේ අරමුන ඉටුවන අතර එතැන් සිට ඩෙස්මන් ඇල්ටෙයා ලෙසින් එකල කළ බිහිසුනු මිනීමැරුම් හා සිදුවිම් රැසක් ආවර්ජනය කරනු ලබයි. මෙම පරිගණක ක්‍රීඩාව පුරාම දැකිය හැක්කේ ඇල්ටෙයා හා ඔහු වටා සිදුවන එම සිදුවීම් මාලාවයි. මෙම පරිගනක ක්‍රීඩාවේ දී ක්‍රීඩකයාට මෙහෙයවීමට ලැබෙන්නේ ඉතාමත් දරුණු පුද්ගලයෙකු ඇල්ටෙයාගේ චරිතයයි. ඇල්ටෙයා යනු වයස විසිපහක පමණ තරුණයෙක් වන අතර හිසේ සිට දෙපතුල දක්වා ලොගුවකින් ශරිරය වසාගෙන සිටින ඔහු ඝාතක කල්ලියක සාමාජිකයෙකි. ඉතා සුක්ෂම හා දක්ෂ සටන්කරුවෙකු ද වන මොහුගේ විශේෂත්වය වනුයේ ඉතා වේගයෙන් පොලොවට ඉහලින් ගමන් කීරිමට තිබෙන හැකියාවයි. ඉතා උස් ගොඩනැගිලි මතින් පනිමින් ගමන් කිරිම මොහුට මහ පොලොව මත ඇවිදින්නාක් මෙන් පහසුය. එසේම තමාගේ ඉලක්කය කෙසේ හෝ සපුරා ගැනිම ඇල්ටෙයාගේ තිබෙන අනෙක් විශේෂ ගතියයි ඉතා ඉක්මනින් කොප වන පුද්ගලයෙකු වන මොහු තමගේ ඉලක්කය කරා යන ගමනෙදී ඊට විරුධ වන සියල්ලන්ම මරා දැමීමට පුරුදු වී සීටී.

ඇල්ටේයාගෙ ප්‍රධානියා ඔහුට විශේෂ මෙහෙයුමක් භාර දෙනු ලබන අතර එහිදී තමන්ට විරුද්ධ ආගමික නායකයින් නවදෙනෙකු ඝාතනය කල යුතුය .එතැන් සිට මොහුගේ එකම අරමුණ ඔවුන්ව මරා දැමීමය මේ සදහා යන ගමනේ දී සිය ගණනක් මරනයට පත් වේ. පරිගනක ක්‍රීඩකයාගේ මුලික වගකීම වනුයේ ඇල්ටෙයා අතින් සිදුවන අමතර මරණ ගණන අවම කර ගනිමින් ඔහුට සත්‍ය වශයෙන් මරා දැමීමට අවශ්‍ය පුද්ගලයන් සොයා මෙහෙයවීමය. මෙහිදී ක්‍රීඩකයාට ඉතාමත් කල්පනාකාරීව ඇල්ටෙයාව පලනය කීරීමට සිදුවේ ඊට හෙතුවන්නේ ඔහුගේ ගමනට බාදාවන සියල්ලන්ම දෙවරක් නොසිතා මරාදැමීමය දැමීමය .

KM Creation .......................